Në Prevallë mbërrin edhe presidenti Bamir Topi

Presidenti i Republikës së Shqipërisë, Bamir Topi, ka mbërritur në Prevallë ku po zhvillohet Takimi i liderëve të rajonit. Në Prevallë, presidentit Topi, mirëseardhje i dëshiroi presidenti i Republikës së Kosovës, Fatmir Sejdiu.
Sot gjatë ditës, presidentët e katër vendeve të rajonit, Filip Vujanovic, president i Malit të Zi, Bamir Topi, president i Republikës së Shqipërisë, Gjorgi Ivanov, president i Maqedonisë dhe nikoqiri i tyre, presidenti Sejdiu do të kenë takime të veçanta bilaterale, ndërkaq pas drekës ata do të kenë takimin e përbashkët.

Në mbyllje të takimit të përbashkët, presidentët në një konferencë të përbashkët për media do t’u drejtohen përfaqësuesve të mediave të akredituara për përcjelljen e këtij takimi. /Telegrafi/