400 mjekë të botës, në Prevallë, po diskutojnë si të trajtohet dhimbja

Trajtimi i dhimbjes në Kosovë ende bëhet më metoda konvencionale standarde me barna ndërsa në botë trajtimi i dhimbjes bëhet me intervenime dhe bllokada të nervave të ndryshëm me radiologji invasive.

Trajtimi i dhimbjes ka qenë tema kryesore e diskutimit të 400 mjekëve nga vende të ndryshme të botës të mbajtur sot në Prevallë të Prizrenit.

Këto kanë qenë problematikat kryesore të sesionit të dytë shkencorë të rreth 400 mjekëve dhe infermierve të vendeve të ndryshme të botës duke përfshirë edhe nga SHBA-të. Doktor Fadil Kryeziu nga Këshilli Organizativ, thotë se nga ky sesion shkencorë,shihet qartë interesimi i mjekëve se si mund të trajtohet dhimbja , si sëmundje, simptomë sëmundje apo sindrom mjeksorë.

Profesor dr.Tritan Shehu nga Shqipëria tha se synimi i këtij sesioni shkencorë është kërkimi i metodave të reja të sensibilizimit të ekipeve mjeksore për të luftuar ndaj dhimbjeve kronike.

Ligjëruesja e konferencës infermierike, që po mbahet krahas këtij sesioni shkencorë, Fekrie Hasani ka bërë një hulumtim rreth trajtimit të dhimbjes nga infermierët kosovarë ku rezulton se 45% e tyre e përdorin instrumentin e dhimbjes.
Derisa trajtimi me barna dhembjen mund ta ndal 8 orë, 12 apo maksimalisht 24 orë me metodën e bllokadave të nervave me radiologji invasive, dhembja ndalet për 6 muaj deri në një vit.