Edhe Texas Instruments me kompjuter tablet

Prodhuesi i njohur ka demonstruar mundësitë e kompjuterit të vet tablet i cili vjen me ekran të ndjeshëm në prekje si dhe me procesor prej një gigaherc.
Me qëllim të nxitjes së zhvillimit të platformës së vet Blaze, Texas Instruments ka paraqitur kompjuterin tablet të dedikuar për programues. Dimensionet e pajisjes janë 66 x 210 x 29 milimetra, derisa ai vjen me ekran 10 inçësh dhe rezolucion prej 1.024 x 768 piksela, si dhe me shtëpizë me kornizë alumini.

Procesori është OMAP4430 prej një gigaherc, ka të integruar një gigabajt LPDDR2 i memories punuese, si dhe 32 GB eMMC të memories së përhershme. Në shtëpizë gjenden dy qasje për USB, dy altoparlantë, katër mikrofona digjital, si dhe Wi-Fi, Bluetooth, e GPS. Për fund, ky tablet vjen edhe me projektorin e vogël DLP.

Ky tablet i dedikuar për programues do të jetë në duar të tyre deri në fund të muajit korrik për 2.260 dollarë amerikanë. /Telegrafi/