Një super-kompjuter nga Lenovo, ThinkCentre M90z

Javën e kaluar, kompania Lenovo ka paralajmëruar modelin e ri të kompjuterit të integruar (all-in-one-PC) nga seria e ThinkCentre, modeli M90z, i cili do tu ofrohet përdoruesve me teknologjinë më të re të Intel, vPro, e cila mundëson punë dhe mirëmbajtje më të lehtë, krahasuar me kompjuterët aktual që ofrohen në treg.
Kompjuteri vjen me një ekran prej 23 inç, i cili është i ndjeshëm në prekje. Komponentët si hard-disku, mund të zhvendosen shumë lehtë nga kompjuteri, pa pasur nevojë për vegla pune.

Përveç mausit dhe tastierës, të gjithë komponentët tjera janë të integruara në një vend të vetëm (duke përfshirë edhe ekranin). Blerësit e këtij modeli të Lenovo’s, mund të zgjedhin nga procesorët e Intel, mes modeleve Core i3 dhe Core i5, ndërsa ruajtja e të dhënave posedon kapacitet deri në 1TB.

Platforma vPro i mundëson administruesit të sistemit që të pamundësojë përdorimin e kompjuterit, edhe nga distanca, duke i mbyllur të gjitha të dhënat. Ndërsa, shumica e problemeve me sistemin mund të zgjidhen gjithashtu nga largësia, duke përfshirë këtu edhe rregullimin e vet sistemit operativ.

Çmimi me konfigurimin primar për modelin më të ri të Lenovo’s, ThinkCentre M90z do të jetë 900 dollarë.