Botërori s’ndalet, sot dy ndeshje eliminuese

Johanesburg, 26 qershor – Pushim nuk ka, Kampionati botëror në futboll vazhdon, por tash me ndeshje eliminuese të së tetës së finales. Adhuruesit e futbollit do të mund të shikojnë nga dy ndeshje në ditë, prej sot e deri të martën, kur do të dihen çerekfinalistët e Botërorit.
Në mesin e 16 ekipeve që do të luftojnë gjatë katër ditëve të ardhshme janë pesë kombëtare nga Amerika Jugore, kurse nga gjashtë kombëtare evropiane do të meten vetëm tri, pasi luajnë ndeshje direkt ndërmjet vete.
Ndër duelet më interesante të kësaj faze janë ai ndërmjet Gjermanisë e Anglisë, Argjentinës e Meksikës, si dhe dueli ndërmjet dy fqinjëve të gadishullit Iberik, Spanjës dhe Portugalisë.

Çiftet e 1/8 së finales:

E shtunë
Uruguai - Koreja e Jugut 16:00
SHBA - Gana 20:30

E diel
Argjentina - Meksika 16:00
Gjermania - Anglia 20:30

E hënë
Holanda - Sllovakia 16:00
Brazili - Kili 20:30

E martë
Paraguai - Japonia 16:00
Spanja - Portugalia 20:30