Hamza Halabaku

JETA ËSHTË DASHURI

BETIMI

Për këtë (Mëmë)(At)dhe të Dardanisë
Që kurrë nuk iu hoqen rrobat e zisë
Dua të jem dëshmor i lirisë
Shqipe e Arbërisë

MË FAL

Më fal një buzëqeshje
Të të fal një dashuri
Më fal një lule
Të të fal një kopsht
Më fal një shpresë
Të të jap një kujtim
Më fal një puthje
Të të fal një ëndërr
Më fal vetëm diç
Të të falem përgjithmonë

SA THIKA

Çdo natë
Zemrën time
E çan nga një thikë
Vallë sa thika do ta çajnë
Këtë shpirt

DASHURI E DHEMBJE

Sonte ajo është vetëm
edhe ajo ka dhembje në shpirt
lotët nuk i shteren nga sytë
vetëm ka mbetur vetëm
imagjinon dikë që i ka kënduar
e vetëm shpirti i saj e di sa vuan

DËSHIRA

Adelina Ismailit
Dëshiroj të bëhem lot
të rrokullisem faqeve
të bie në buzët e tua
për të shuar etje
Dëshiroj të bëhem borë
të bie mbi ballin tënd të ngrohtë
e pastaj të shkrihem
mbi trupin tënd të etur

SHPRESË

Shpresa e jetës
kurrë nuk shuhet
në zemër ruhet
Kujtimi për Ty
më shtohet në zemër
Ti ke famë ke emër
Shpresë e jetës
Ti je ëndrra ime
që sjell gëzime

NUK JAM I VETËM

Nuk jam yll i vetëm
në qiellin e kthjellët
ka edhe yje të tjerë
që pranë meje do të jenë
Nuk jam zog i vetmuar
në këtë dimër të acartë
ka dhe zogj të tjerë
që pranë meje do të jenë
Nuk jam i vetëm
dhe kurrë s'do të mbetem
derisa eshtrat e mi
në botën e amshuar të treten

KUR ZEMRA THYHET

Kur zemra thyhet
le të shuhen kandilat
as lulet të mos kenë erë
le të vyshken trëndafilat
le të mos ketë as pranverë

PËLLUMBAT

Korbat filluan
t'i banë pëllumbat
qielli u errësua
deti u trand
pëllumbat fluturuan
Kur ngordhen korbat
pëllumbat u kthyen
prapë në Kosovë
pëllumbat foletë i rindërtuan

MOS MË NGUSHËLLONI

Mos
mos më thuani kurrë
koha shëron plagët
zemra ime e di
kohës i shtohen vrragët

Mos ma fshini lotin
simbolin e dashurisë
më lini te qaj
më lini në heshtje

KANDIL I PASHUAR
(Visar Hotit)

Qielli u errësua
si kurrë më parë
mbi lisa furtunë e paparë
një krismë e trishtuar
tej përtej qiellit
një heshtje ra
mbi tokën e djegur
as cicërima zogjsh s'u degjuan
vetëm qyqja kukon
qielli lotoi
kandili s'u shua
trupi i tij i bardhë
bëri dritë
Nëna zemërmadhe
nuk derdhi lot fare
për shpirtin e tij të bardhë
për të dashurin djalë

Hamza Halabaku



Hamza Halabaku
Hamza Nazif Halabaku u lind në fshatin Pozharan në vitin 1947. U shkollua në Pozharan, Gjilan, dhe në Prizren. Mbaroi studimet në Fakultetin Juridik të Universitetit të Prishtinës. Një kohë punoi mësues në fshatin Ballancë të Vitisë, pastaj në Gjykatën Komunale në Viti.
Prej vitit 1973 punoi në Sekretariatin Kraninor për Arsim, Shkencë dhe Kulturë të Kosovës.
Në qershor të vitit 1982 është emëruar ndihmës i sekretarit të Kuvendit të Kosovës.
Mori pjesë në mbledhjen historike të Kuvendit të Kosovës më 2 korrik 1990, në rolin e sekretarit të Kuvendit të Kosovës pasi që atë kohë ishte në funksionin e ndihmëssekretarit të Kuvendit të Kosovës.
Që në shkollën fillore filloi të botoj punimet e veta në revistën e shkollës “Ideali” si dhe në atë të shkollës së mesme “Shprehja e të rinjëve”.
Është anëtarë i Lidhjes së Shkrimtarëve të Kosovës.
Ka marre pjese ne “Takimet e vendlidjes” në Gjilan pastaj në “Takimet e Don Mikel Tarabulluzit” në Stubëll të Vitisë, në “Karvanin e Shkrimtarëve për fëmijë” nëpër Kosovë etj.
Është prezantuar në “Libri që po shkruhet”, panoramë letrare e Luginës së Moravës së Kosovës , 1979, në “Leksikonin e Shkrimtarëve Shqiptarë 1501-2001”, të Hasan Hasanit, në “Orët e duartrokitjeve”, të Agim Devës e Xhevat Sylës, 2001, në “Antologji e poezisë moderne shqipe – Antologie der modernen albanischen Lyrik” të autorit Ferdinand Laholli në Gjermani etj. Pjesë nga krijimtaria e tij letrare janë pëkthyer në gjuhën gjermane, arabe, serbokroate etj. Aktualisht punon mësues në shkollën e mësimit plotësues shqip, në Bavari të Gjermanisë.
Krijimet letrare të Hamza Halabakut i gjejmë të botuara në gazetat dhe revistat e ndryshme në Prishtinë, Shkup dhe në diasporë, si në: “Rilindja”, “Bujku”, “Gëzimi”, Bota sot”, “Pionieri”, “Doruntina” etj.

Deri tash ka botuar:

1. „A ka zot“, poezi, 1993, “Asdreni”, Shkup;
2. „Testamenti“ , 1997, tregime për të rritur, “Shkëndija”, Prishtinë;
3. “Kosovën e kemi në zemër”, 2000, tregime për fëmijë, “Iliriku” Prishtinë;
4. “Vrunduj Kujtimesh”, monografi e shkollës shqipe në Bavarinë Veriore, 2003.
5. Është bashkëautorë me Tahir z. Berishen dhe Çerkin Bytyçin i Monografisë “Emra që nuk harrohen – arsimtarë shqiptarë në diasporë VI” 2006.

SQARIM:

Në këtë rubrikë janë shkruar biografi të autorëve tanë,si dhe poezi të ndryshme të autorëve tanë,por
ne kemi bërë një shkrim për poetin dhe pishtarin tanë të arsimit Hamza Halabakun.Për të kemi shkruar një biografi të shkurtèr,mirëpo gjatë postimit edhe biografia edhe poezitë e autorëve tjerë kanë dalur
me titullim Hamza Halabaku!Ne i njoftojmë lexuesit se poezitë e shënuara lart janë të autorëve të ndryshëm,kurse vetëm biografia krejt në fund është e poetit tonë Hamza Halabaku.Ne lusim lexuesit për mirëkuptim të këtij titulli i cili ka dalur i gabuar gjatë postimit.Pra poezi të Hamza Halabakut nuk kemi në këtë rubrikë,kemi vetëm biografinë e tij,mbase në të ardhmen do të botojmë edhe disa poezi të bukura të tij.

..MË FAL...DASHURI E DHEMBJE...KUR ZEMRA THYHET...MOS MË NGUSHËLLONI..-> teper t'miraaa...