Hamza: Jemi në rrugë të mirë me FMN-në

Delegacioni i Fondit Monetar Ndërkombëtar (FMN) ka edhe një javë
kohe para se të del me rekomandime për Qeverinë e Kosovës. Sipas
zyrtarëve të Ministrisë së Financave, ata janë në fazën e grumbullimit
dhe mbledhjes të të dhënave, pastaj pritet të dalin me rekomandime.Ministri
i Financave, Bedri Hamza i tha Telegrafit se janë në rrugë të mirë me
FMN-në për t’i tejkaluar disa mospajtime të vogla.
Sipas tij, delegacioni i FMN-së është duke i mbledhë raportet për të hyrat, të dalat, buxhetin dhe çështje të tjera.
Hamza tha se është i kënaqur me punën që janë duke e bërë për
mbledhjen e të hyrave Dogana dhe Administrata Tatimore e Kosovës (ATK).
“Janë në rrugë të mirë të dyja institucionet në mbledhjen e të hyrave
dhe jemi të kënaqur me punën e tyre”, tha ministri i Financave.
FMN-ja nuk ishte pajtuar plotësisht me Qeverinë për vendimin kësaj të
fundit për rritjen e rrogave për disa kategori të shërbyesve civilë nga
30 deri në 50 për qind mbi rrogën bazë. /Telegrafi/