Golf VII në vitin 2012

Golf VI është me ne vetëm dy vjet e mediet e huaja të cilat mbulojnë fushën automobilistike veçmë kanë filluar të flasin me të madhe për trashëguesin e tij, të cilin supozohet se do të duhej ta shohim qysh në vitin 2012.
Gjenerata e shtatë e Golfit do të ndërtohet në platformën e re të cilën do ta ndajë me modelin e ngjashëm me të, atë Passat. Platforma e re do të duhej të jetë pak më e lehtë, derisa do t’i mundësojë Volkswagenit përpunimin e versioneve karavan, kabriolet dhe kupe, duke marrë si shembull atë Passat CC, si dhe variantet e tij me motorizim të përparmë dhe integral.

Automjeti do të futet në lëvizje nga paleta standarde e motorëve prej të cilëve do të veçohet njësia e re 1.2-litërshe TSI me 105 kuaj fuqi, si dhe tre-cilindërshi i porsa-paraqitur 1.2-litërsh TDI me 75 kuaj fuqi dhe 120 Nm i cili Golfit do të duhej t’i siguroj emetimin e CO2 më të ulët se 100 gramë për kilometër. Gjenerata e shtatë e Golfit supozohet do të duhej të vjen në version hibrid ku elektromotorit do t’i bëjnë shoqëri motorët me naftë apo edhe ata me benzinë.
Nga avancimet tjera teknologjike, gjenerata e shtatë e Golfit do të ketë sistem për njohjen e shenjave të trafikut si dhe sistem për auto-parkim, derisa portali automobilistik AutoExpress përmend edhe sistemin që lidhet me navigacion i cili ua tërheq vëmendjen vozitësve për kthesa të rrezikshme, kufizim të shpejtësisë, tatëpjeta dhe përpjeta të mëdha. /Telegrafi/