Windows 8 na vjen më 2012

Në blogun e filialit holandez të Microsoftit gjatë vikendit ka dalë njoftimi se kompania është duke punuar në zhvillimin e gjeneratës së ardhshme të sistemit të vet operativ Windows.
Javën e kaluar është bërë një vit që prej paraqitjes së Windows 7, e në kompani tanimë po punojnë me të madhe në zhvillimin e versioneve të reja. Gjykuar sipas paralajmërimit Windows 8 do të duhej të gjendej në treg për afërsisht dy vjet.
Supozohet se Windows i ri në mes tjerash do të përmbajë edhe Windows App Store, vendin unik për shkarkimin e aplikacioneve, hyrje në sistem me anë të sistemit të njohjes së fytyrës dhe ngritje dukshëm më e shpejt e vet sistemit.

Dalja në treg e Windows 8 përshtatet me praktikën e rëndomtë të Microsoftit për paraqitjen e sistemit të ri operativ çdo tre vjet.