50 vjet voziti pa patentë shofer

50 vjet voziti pa patentë shofer


Gjermani Rudi L. (73 vjeç) shkaktoi një fatkeqësi komunikacioni. Shoferja (20 vjeçe) u mundua ta tejkalojë dhe ky e goditi. Erdhi policia dhe ai u detyrua ta tregoj patentë shoferin. Plaku i tha policisë se kishte vozitur 50 vjet pa patentë shofer, ndërsa këtë nuk e kishte ditur as partnerja e tij, Hannelore B (72 vjeçe).
“Atë ditë isha në kafe me vajzat dhe nipërit e mbesat, ndërsa Rudi me Mercedes po më dërgonte në shtëpi”, tha Hannelore për gazetën gjermane Bild.

Ajo tha se Rudi e shëtiste atë me automobil ose sa herë kishte nevojë të shkonte tek mjeku ose thjeshtë për të bërë shoping, ndërsa tash është në hall se si do t’i kryejë këto punë.

Rudi tha se para 25 vitesh ishte regjistruar për ta marrë patentë-shoferin, por kurrë nuk e kishte përfunduar. “Kam punuar në ndërtimtari dhe nuk kam pasur kohë ta përfundoj shkollën”, tha Rudi.