Një i arrestuar për vrasjen në Pejë

Një ditë pas vrasjes së 46-vjeçarit Demë Selimaj nga Lluga e Osdrimit, policia ka arrestuar një person të dyshuar. Identiteti i personit të arrestuar nuk bëhet i ditur nga policia.


Lidhur me këtë rast, hetuesit e Policisë rajonale në Pejë kanë bërë bastisjen e dy shtëpive dhe objekteve përcjellëse si dhe kanë konfiskuar një veturë që besohet se është përdorur gjatë kryerjes së vrasjes. Me urdhër te prokurorit, i dyshuari është dërguar në mbajtje.

Vrasja ka ndodhur të enjten rreth orës 20, kur persona të panjohur nga një veturë në lëvizje, kanë shtënë në drejtim të veturës së viktimave, ku kanë qenë katër persona.

Zyrtarët policorë konfirmojë se nga kjo breshëri plumbash nuk kanë pësuar tre personat e tjerë. Për këtë shkak, besohet se cak i sulmit ka qenë vetëm viktima në fjalë.