Liderët e PPL i vizituan serbët e arrestuar

Liderët e Partisë së Pavarur Liberale, e cila merr pjesë në
qeverinë e Kosovës, i kanë vizituar të shtunën pesë serbët, që ishin
arrestuar në Kosovë pas tubimit në Gazimestan, të dyshuar se me gurë e
kanë sulmuar policinë e Kosovës.Siç thuhet në njoftimin e
PPL-së, të arrestuarit i kanë vizituar lideri i partisë, Slobodan
Petrovic, njëherësh zëvendëskryeministër i Kosovës, dhe zëvendës
ministri i punëve të brendshme, Sasa Rasic.
Pesë serbëve u është caktuar masa e paraburgimit për një muaj. Katër
prej tyre janë në paraburgim në Gjilan, ndërsa njëri në Prishtinë.
Petrovic dhe Rasic kanë biseduar me të arrestuarit, të cilët kanë
thënë se autoritetet në burg ndaj tyre sillen sipas rregullave të
institucionit, përkatësisht në mënyrë korrekte.
Petrovic ka shprehur keqardhje për incidentin në Gazimestan, por i ka
hedhur poshtë raportet në disa media, për gjendjen e keqe shëndetësore
të serbëve të paraburgosur dhe se ndaj tyre po bëhet torturë.
Zëvendës kryeministri i Kosovës, Slobodan Petrovic, ka shfaqur
shpresën se organet e drejtësisë në Kosovë do të jenë efikase dhe të
drejtë në këtë rast dhe tha se respektimi i të drejtave të njeriut është
qëllim kryesor.
Më herët gjatë ditës, sekretari shtetëror në ministrinë e Serbisë për
Kosovën, Oliver Ivanovic, ka protestuar për shkak të serbëve të
arrestuar, duke thënë se ka bazë për dyshim se policia e Kosovës në masë
të tepërt e ka përdorë forcën. /REL/Telegrafi/