Rexhepi dhe de Marnhac vizituan policinë kufitare në Merdar

Ministri i Punëve të Brendshme, Bajram Rexhepi, dhe shefi i
EULEX-it, Xavier de Marnhac, vizituan të martën pikën e kalimit kufitar
në Merdar. Gjatë kësaj vizitë pune në kufirin Kosovë-Serbi, Rexhepi dhe
de Marnhac u njoftuan për së afërmi me punën që po bëhet në këtë Portë
nga policia kufitare.Sipas një komunikate të MPB-së,
Ministri i Brendshëm dhe shefi i EULEX-it u shprehën të kënaqur me punën
e deritanishme të policisë në këtë pikë kufitare si dhe me
bashkëpunimin e policive në teren.
“Është vizitë pune së bashku me udhëheqësin e EULEX-it dhe qëllimi
është që të performojmë më mirë dhe të kemi bashkëpunim të mirë”, u tha
ministri Rexhepi mediave të pranishme, duke shtuar se “ekziston
përkushtimi që bashkërisht të arrijmë suksese më të mëdha dhe që raporti
i ardhshëm i progresit të jetë shumë më pozitiv”.
Ndërsa de Marnhac tha se EULEX-i është në Kosovë për të mbështetur
institucionet vendore dhe që ky misioni është duke e bërë këtë
rregullisht. “Është e rëndësishme se ne po punojmë së bashku. Ndoshta
nuk është atraktive të raportohet për këtë në media, por ne kemi policët
tanë në stacione policore, polici kufitare. Gjithashtu, gjykatësit dhe
prokurorët tanë punojnë së bashku me kolegët e tyre vendorë”, tha de
Marnhac.
Pas Pikës së kalimit kufitar Kosovë-Serbi, në Merdare, Rexhepi dhe de
Marnhac vizituan stacionin policor të Podujevës dhe Drejtorinë Rajonale
të policisë kufitare në Lluzhan. /Telegrafi/