Adresa e krizës - selia e LDK-së

Adresa e krizës - selia e LDK-së

Partia Demokratike e Kosovës (PDK), kërkon nga udhëheqësit e Lidhjes Demokratike të Kosovës (LDK), të dalin para qytetarëve dhe të sqarojnë pse kanë futur Kosovën në krizë.
Ministri nga radhët e PDK-së, Besim Beqaj, tha sot se ky është obligim kushtetues që duhet ta bëjnë udhëheqësit e LDK-së. PDK-ja, përmes ministrit Beqaj, edhe sot konstatoi që ka krizë institucionale në Kosovë.

“Kjo krizë e thellë institucionale ka emër dhe adresë. Emri është LDK - mentaliteti i nostalgjisë për të kaluarën, ndërsa adresa është selia e vjetër e LDK-së”, tha Beqaj, në një konferencë për shtyp.

Aty siç tha Beqaj, janë strehuar politikisht edhe fajtorët e kësaj krize. PDK-ja, sipas ministrit të Integrimeve, është për secilën zgjidhje që buron nga Kushtetuta e Kosovës, dhe pajtohet me secilin vendim që vjen nga u.d i presidentit të Republikës së Kosovës.