Cesc: Nuk largohem për para

Cesc: Nuk largohem për para

Në prag të takimit me Manchester Cityn, kapiteni i Arsenalit, Cesc Fabregas, ka thënë se ai kurrë nuk do t’i bashkohej një klubi vetëm për para.
Në fund të një jave të dominuar nga saga Wayne Rooney, fansat e Topçinjve e dinë se nuk do të shkojë shumë gjatë para se Fabregas të gllabërohet edhe më shumë nga thashethemet e transferimeve. Por, spanjolli thotë se atij nuk i interesojnë ofertat e pasura dhe se qëllimi i tij është të luajë mirë dhe të fitojë trofe.

“Kurrë nuk do t’i bashkohesha një klubi vetëm për para – kjo do të ishte një prej pikave të fundit në agjendë. E dua këtë lojë. Dua të fitoj gjëra dhe do të doja vetëm të luaj për një klub i cili ka ambicie, dëshirë për të garuar dhe aftësi për të fituar trofe”, ka thënë Cesc për The Sun.

“Besoj fuqishëm se ne kemi një ekip të mirë siç ka çdokush tjetër në këtë ligë. Nëse kemi ca fat në lëndime, ne mund të arrijmë gjëra të mrekullueshme”, ka thënë Fabregas.