Zgjedhni çajin tuaj ideal

Tokio, 24 tetor - Çaji relakson dhe forcon, është stimulues i butë, sepse përmban kofeinë (një filxhan çaji përmban rreth 40 miligram kofeinë, përgjysmë më pak se kafja, teofilinë dhe teobrominë. Në çaj nuk ka vitamina, as kalori (nëse nuk i shtojmë sheqer ose mjaltë).
Më i efektshmi është çaji i gjelbër: Në Japoni, , siç transmeton MIA, ku kultivohet e pihet më së shumti, njerëzit sëmuren më pak nga disa tumore, falë përbërësve të çajit - polifenolëve, antioksidantëve dhe vitaminave C dhe E. Polifenolët mund të pengojnë shfaqjen e disa llojeve të kancerëve si dhe të përmirësojnë gjendjen e personave të sëmurë, sepse e bllokojnë enzimën, e cila shtytë rritjen e tumorit. Krahas kësaj, neutralizon ndikimin e radikalëve të lire në organizëm, të cilët dëmtojnë qelizat e indeve dhe shkaktojnë sëmundje të ndryshme.
Në çajin e gjelbër ka 20 lloje mineralesh, prandaj ky çaj forcon imunitetin, zvogëlon rrezikun e shfaqjes së sëmundjeve të zemrës, rregullon tretjen, pastron organizmin, ul peshën trupore, zbut kokëdhimbjen, freskon dhe sforcon koncentrimin dhe njëherësh nuk shkakton fryrje as Nuk e irriton lukthin. Për efekt të plotë shëndetësor do të duhej pirë pesë filxhanë çaj të gjelbër në ditë. Çaji i gjelbër nuk duhet përvëluar me ujë të valë. Lihet të ftohet në rreth 70 shkallë C, sepse nxehtësia shkatërron përbërësit e vlefshëm.

caj mali

caj kamomili

caj i ftohte

Qaj kamomil