Zgjedhjet e një shteti tjetër nuk guxojnë të mbahen në Kosovë

Zgjedhjet e shpallura nga presidenti i një shteti tjetër për tu mbajtur në territorin e Republikës së Kosovës nuk guxojnë të mbahen- është thënë në një konferencë për media të Partia e Drejtësisë

“PD kundërshton ashpër organizimin dhe mbajtjen e zgjedhjeve lokale në veriun e vendit, në kundërshtim të plotë me dispozitat Kushtetutës së Republikës së Kosovës dhe konsideron se ato duhet të parandalohen pa asnjë alternativë”, është thënë në konferencë.

Kjo parti ka kërkuan drejtuesit e institucioneve të vendit si dhe nga zyrtarët e lartë ndërkombëtarë që në mënyrë strikte të respektojnë kushtetutshmërinë dhe ligjshmërinë e vendit dhe të pengojnë anarkinë ligjore në vend të cilën me siguri se do ta shfrytëzojë krimi i organizuar.

Sipas PD-së, me lejimin e mbajtjes së këtyre zgjedhjeve institucionet e vendit do të dëshmojnë mosgatishmëri të plotë për zbatimin e Kushtetutës së vendit.