Facebook do të lansojë një platformë mobile?

Facebook do të lansojë një platformë mobile?

Facebook ka ftuar gazetarët në një ngjarje që organizohet nga rrjeti social të mërkurën, ndërsa tema e konferencës thuhet të jetë një ngjarje kushtuar pjesës mobile të faqes, pa dhënë shumë detaje se çka do të përfshihet në këtë segment të quajtur - mobil.

Përderisa po flitet shumë për telefonin e mundshëm të Facebook, shumë njerëz sugjerojnë se rrjeti social do të dal në treg me një platformë të ngjashme si Android, mirëpo me një integrim shumë më të madh në Facebook.

Potenciali i Facebook Mobile është gjigant, ndërsa duke e pasur parasysh që Facebook nuk do t’i ftonte gazetarët vetëm për një freskim në aplikacionin e saj në iPhone, atëherë pritet që rrjeti më i madh social në botë të lansojë diçka shumë të madhe.

Lexues të Telegrafi.com, çka mendoni se do të prezantojë rrjeti social i shumë-përdorur edhe tek ne, Facebook.com, në ngjarjen e së mërkures.