Kështu e paramendojnë 17.000 dizajnues automjetin e së ardhmes

Kështu e paramendojnë 17.000 dizajnues automjetin e së ardhmes

Si do të dukej automjeti të cilin e ka dizajnuar 17.000 njerëz? Falë prodhuesit italian Fiati, më nuk duhet të kemi mëdyshje. Përgjigjen mund ta shihni në fotografitë të cilat paraqiten brenda këtij artikulli.Për formësimin e Fiat Mio prodhuesi italian ka nisur një faqe interneti në të cilën kanë mundur të regjistrohen dizajnuesit nga mbarë bota dhe të ndajnë idetë e tyre për automjetin kompakt për qytet të së ardhmes. Kjo nuk është hera e parë që Fiat ka zbatuar këtë teknikë. Italianët tanimë dy herë kanë shfrytëzuar fuqinë sinergjike të internetit për të zhvilluar modelet koncept FCC1 e FCC2.Fiat Mio është për pak më i shkurtër se dy metra e gjysmë, që e bën atë automjet më të shkurtër se Smart Fortwo, e ideja dizajnuese është bazuar në minimalizëm. Nga jashtë janë kamufluar dritat, rrotat e mbuluara për shkak të aerodinamikës më të efektshme dhe kulmi i madh i xhamit, derisa enterieri në pjesën më të madhe është i përpunuar nga materialet e ricikluara.Në Fiat nuk zbulojnë specifikat e motorizimit të Mios, vetëm se ai është i natyrës elektrike, mirëpo theksojnë se koncepti futuristik është me navigacion GPS, kontrollet me anë të ekraneve të ndjeshme në prekje dhe integrimin e pajisjeve mobile të krijuar për situatat kur vozitësi në fakt do të jetë udhëtari i vetëm në të.Fiat Mio i është paraqitur publikut në panairin e automjeteve në Sao Paolo.