Bëhen publik kandidatët për automjetin e vitit 2011

Lista e kandidatëve për marrjen e shpërblimit “Automjeti Evropian i Vitit 2011” është shkurtuar vetëm në shtatë modele. Pas rrethit të eliminimit fillestar, i cili ka përfshirë 41 automjete, publiku ka kuptuar se cilët janë kandidatët të cilët ua kanë mbushur mendjen jurisë në rrethin e dytë, respektivisht në mesin e shtatë finalistëve.
Para listës së kandidatëve të rikujtojmë se juria numëron 59 anëtarë dhe se atë e përbëjnë gazetarët nga 23 shtete evropiane. Për të mundur që të nomihohen për këtë, ndoshta çmimin më prestigjioz në botën e industrisë automobilistike kandidatët duhet të përmbushin kushtet në vijim. Para së gjithash, duhet të bëhet fjalë për një automjet të ri, i cili veçmë është në shitje apo do të del në shitje së paku në pesë tregje evropiane dhe të ekzistojë mundësia të shitet së paku në 5.000 njësi brenda vitit.

Paksa çuditëse, nga lista janë zhdukur Audi A1, risi në segmentin premium, por edhe modelet si Kia Venga (Hyundai ix20), Mitsubishi elektrik i-MIEV, si dhe atu të shumta nga grupimi VW dhe Renault. Në anën tjetër, në top shtatëshe kanë hyrë Dacia Duster dhe automjeti elektrik Nissan Leaf. Mirëpo, gjasat më të mëdha reale për fitore i jepen Alfa Giuliettas dhe Opel Merivas.

Finalistët e shpërblimit “Car of the Year 2011” sipas radhitjes analfabetike janë:

Alfa Romeo Giulietta
Citroën C3 / DS3
Dacia Duster
Ford C-Max / Grand C-Max
Nissan Leaf
Opel Meriva
Volvo S60 / V60