Facebook zvogëlon shkronjat

Një ndryshim i vogël, por tashmë Facebook ka vendosur shkronja më të vogla në faqe, duke u munduar që ta bëjë rrjetin e saj social të duket më pastër.
Ky nuk është ndonjë ndryshim i madh në këtë faqe, mirëpo këtë e kanë vërejtur shumë përdorues, dhe shumë prej tyre madje edhe janë ankuar për këtë ndryshim minimal.

Sipas Facebook, kjo është vetëm një test, ndërsa rrjeti më i njohur social në botë në vazhdimësi po mundohet që ta përmirësojë dizajnin.

Disa nga përdoruesit e rrjetit social thonë se madhësia e shkronjave është shumë e vogël, e sidomos për ata që kanë probleme me të parë, duke përfshirë këtu edhe njerëzit e moshuar të cilët përdorin Facebook.

Megjithatë, ne nuk duhet të ngutemi dhe të shfaqim gjithë pakënaqësinë tonë rreth këtij ndryshimi, pasi që i njëjti është vetëm test, dhe nuk dihet se a do të mbetet kështu.