Roma zvogëlon gjasat për LK

Skuadra e Romës është mposhtur me rezultat 3-2 nga Palermo në Stadio Olimpico të kryeqytetit italian, për t’ia vështirësuar punët vetes për sigurimin e një vendi që dërgon në Ligën e Kampionëve.
Vendasit kaluan në epërsi nga pika e bardhë përmes Francesco Tottit (19’), ndërsa pa përfunduar pjesa e parë (43’), mysafirët barazuan rezultatin po nga penalltia, ndërsa ekzekutues ishte Mauricio Pinilla.

Me dy golat e tij (84’ dhe 90’+1) Abel Hernandez ngriti epërsinë e sicilianëve në 3-1, ndërsa Mirko Vucinic arriti vetëm ta ngushtojë këtë epërsi (90’+2).

Pas kësaj humbjeje, Roma mbetet katër pikë larg vendit të katërt që e mban rivali lokal, Lazio (me një ndeshje më pak të zhvilluar), ndërsa me fitore eventuale kundër Fiorentinas, Juventusi do t’ia rrëmbejë pozitën e gjashtë në tabelë. /Telegrafi/