Regjistrohet dridhje toke

Qytetarët e Kosovës të mërkurën në orët e hershme mëngjesit, gjegjësisht në ora 1:56 minuta sipas kohës lokale kanë ndier tërmetin me fuqi 5.3 shkallë të Rihterit, epiqendra e të cilit ka qenë 3 kilometra në veri të Kralevës, në Serbi.
Enti sizmologjik i Kosovës njoftoi për Telegrafin se tërmeti është ndierë edhe në Kosovë, mirëpo bëri të ditur se epiqendra e tërmeti ka qenë 3 kilometra në veri të Kralevës, në Serbi, në ora 1:56 sipas kohës lokale. Sipas Institutit Sizmologjik të vendit tërmeti ishte me fuqi 5.3 shkallë të Rihterit, përkatësisht 7 ballë të Merkalit.

Tërmeti është ndierë fuqishëm në gjithë Kosovë, por më tepër në Mitrovicë ndërkaq Instituti sizmologjik i vendit nuk ka të dhëna për dëmet eventuale.

Ndryshe, agjencitë e lajmeve raportojnë se si pasojë e tërmetit në Serbi kanë humbur jetën dy persona, janë lënduar 15, ndërsa ka edhe dëme materiale. Hapësira më së shumti e goditur ishte qyteti i Kralevës, ku raportohet se ndërtesat janë dëmtuar, ndërsa në disa pjesë të qytetit është ndërprerë rryma dhe uji.