Kush do ta shënojë golin e 700-të të Realit në Evropë?

Sonte, futbollisti i Real Madridit i cili do të shënojë i pari kundër Milanit (nëse do të shënojë ndonjëri), do të futet në historinë e klubit si shënuesi i golit të 700-të në Kupat Evropiane për mbretërit.
Reali filloi këtë sezon me 694 gola në Kupat Evropiane dhe këtë sezon futbollistët e Real Madridit tashmë shënuan pesë gola, dy kundër Ajaxit, një kundër Auxerre dhe dy kundër Milanit.

Derisa klubet tjera janë ende larg Realit, Bayern Munich ka 453 gola, Manchester United 416 dhe Barcelona 403, ekipi nga Madridi përgatitet të shënojë një rekord të ri.

Sonte ndonjë prej lojtarëve të Realit, ose pse jo edhe ndonjë prej Milanit nëse shënon në portën e gabuar, mund të shkruhet në historinë e klubit si shënuesi i golit të 700-të, jubilar.

Goli i fundit jubilar, i 600-ti, u shënua nga David Beckham në vitin 2003, ndërsa para tij, Guti kishte shënuar golin e 500-të në vitin 200.

Cili nga yjet e Realit (ose të Milanit) mendoni se do ta shënojë golin e 700-të për klubin mbretëror?