Ribery: Schweini, rinovoje kontratën!

Franck Ribery dhe Bastian Schweinsteiger

Ylli i Bayern Munichut, Franck Ribery, i ka bërë thirrje mesfushorit gjerman, Bastian Schweinsteiger, që ta vazhdojë kontratën e tij me gjigantin bavarez.
“Shpresoj se ai do të rinovojë deri në vitin 2015, ashtu siç bëra dhe unë. Unë kam marrëdhënie të mrekullueshme me të dhe lojtarët si ai janë të rëndësishëm për klubin”, theksoi Ribery për Bild.

Kontrata e Schweinit skadon në vitin 2012, por për shkak se ai nuk ka rinovuar, thuhet se Real Madridi, Interi dhe Manchester Unitedi janë seriozisht të interesuar për të.