Robben mbetet në Bayern, Ribery në M. United

Në ditën kur Bayerni i Münichenit i rrëmbeu Hannoverit vendin e tretë në Bundesligë, që vlen për “biletën” e fundit në Champions League, klubi bavarez ka marrë lajme të tjera të mira.

Arjen Robben do të qëndrojë në “Alianz Arena”, një fakt i tillë është konfirmuar nga presidenti Karl-Heinz Rummenige.

Ai deklaroi: “Të gjithë ne dëshirojmë të luajmë në Champions dhe do të bëjmë gjithçka që ta arrijmë. Por, mund të them me 100 për qind, se pavarësisht renditjes përfundimtare në kampionat, Arjen Robben do të qëndrojë te Bayerni”.

Ai që mund të largohet nga gjigantët gjermanë është Frank Ribery, i cili kërkohet nga Manchester United dhe kushton 35 milionë euro, transmeton portali indeksonline.