Facebook e di kur ndaheni nga partneri!

Profilet në rrjetin social Facebook mund të zbulojnë shumë gjëra, madje edhe kur ju e mbaroni lidhjen me të dashurin / ën tuaj. Ky konstatim ka ardhur nga David McCandless, gazetar dhe ekspert i lajmeve grafike dhe autor i faqes informationisbeautiful.net.
McCandless ka ardhur në këtë përfundim pasi që i ka analizuar më shumë se 10 mijë profile në Facebook, ndërsa çiftet kanë dhënë shenja të ndarjes edhe para se kjo të ndodhë.

Sipas hulumtimit të këtij autori, thuhet se njerëzit më së shumti ndahen të hënave, para pushimeve të pranverës dhe verës, gjatë Krishtlindjeve, dhe gjatë periudhës së verës.

Thuhet se njëra prej shenjave që ndarja mes një çifti do të ndodh, është atëherë kur njëri nga partnerët fillon të postojë më rrallë fotografi të tjetrit në rrjetin më të madh social, i cili edhe në vendin tonë, është adresë ideale për promovimin e çifteve të reja në publik, si dhe vendi për të treguar se partnerët janë ndarë.