Lokalizohet Google!

Në kuadër të motorit të saj të kërkimit, gjiganti amerikan Google ka lansuar funksionin e avancuar të lokalizimit gjeografik të cilin e ka quajtur – Place Search.
Thuhet se funksioni i ri i Google - Place Search, së shpejti do të jetë në dispozicion në më shumë se 40 gjuhë të ndryshme.

Funksioni i ri do të nisë automatikisht kur motori i kërkimit vlerëson se përdoruesi është duke kërkuar informacione lokale, ka thënë zëdhënësi i kompanisë Google, Jack Bavaro, përmes blogut zyrtar të kësaj kompanie.

Sipas të dhënave, “më shumë se 20 për qind e trafikut të kërkimit në motorin e kërkimit të Google, ka të bëjë me informata lokale”.

"Testet e zhvilluara kanë treguar se funksioni i ri mundëson shkurtimin e kohës së kërkimit të informacionit lokal për rreth dy sekonda," tha Bavaro.