S’ka gjë prej rrjetit për shoqërim nga Google

Pas supozimeve të shumta dhe spekulimeve, përfaqësuesit e Google sërish kanë theksuar se nuk janë duke zhvilluar platformë të re për rrjetëzim shoqëror për të konkurruar ndaj Facebookut.
Në fakt, kryeshefi ekzekutiv i Google, Eric Schmidt, në shtator ka deklaruar se kompania ka ndërmend të shtojë një “shtresë” të rrjetëzim shoqëror në faqet e veta, mirëpo nuk zhvillon rrjetin tërësisht të ri për shoqërim. Megjithatë, këto deklarata kishin nxitur spekulime të shumta për rrjetin e mundshëm për shoqërim nga Google.
Aktualisht Google veçmë është pronar i rrjetit për shoqërim online Orkut i cili është e popullarizuar në Brazil dhe Indi, mirëpo nuk ka arritur të merr popullaritet më të madh në tregjet tjera.

Në deklaratat më të reja, përfaqësuesit e Google kanë theksuar se nuk janë duke zhvilluar platformë të re e cila do jetë vetëm një platformë të re për rrjetëzim shoqëror.