Rusi që ulet çdo ditë në karrigen elektrike

Moskë, 14 nëntor – Artisti rus, Oleg Mavromatti, i ofron mundësinë fansave të tij që të votojnë nëse do të vdes.

Në vitin 2000, artisti është akuzuar për nxitjen e urrejtjes fetare, ku filloi performancën të quajtur “Nuk i besoni syve tuaj”. Pastaj nga Rusia iku në Bullgari.

Në fakt, në paraqitjen online, Mavromatti ulet çdo ditë në karrigen elektrike dhe lëshon rrymën. Sa më shumë vota të marr, më shumë i nënshtrohet goditjeve elektrike. Ekzistojnë pesë nivele të goditjeve, ndërsa niveli i fundit do ta mbysë, transmetojnë mediet kroate.

Goditjet aktivizohen përmes votave. Me 100 vota i nënshtrohet shokut prej 600 mijë volt që zgjat 0.5 sekonda, ndërsa me një mijë vota goditet për 5 sekonda.