Vëllezërit me pamje të çuditshme

George dhe Simon janë dy vëllezër që jetojnë në Angli. Fëmijët në Britani i quajnë ata "Cullen boys" që ka lidhje me versionin e filmit dhe romanit "Twilight" për vampirët, transmeton MIA.
Këta fëmijë vuajnë nga një çrregullim i rrallë e si pasojë nuk mund të ekspozohen në diell si dhe kanë dhëmbë të mprehtë me maje. Sot 13-vjeçari George dhe 11-vjeçari Simon vuajnë nga sëmundja e rrallë gjenetike për shkak të së cilës duken si vampirë.
Për shkak të sëmundjes ata janë shumë të zbehtë, kanë dhëmbë të mprehtë dhe shpejt digjen në diell. Për këtë arsye duhet të qëndrojnë në shtëpi gjatë ditës dhe nuk guxojnë të merren me sport pasi lodhja e tepërt do tu shkaktonte probleme shëndetësore.
Vëllezërit deri kohë më parë nuk janë lejuar të shkojnë as në shkollë për shkak të gjendjes së tyre, por kohët e fundit janë bërë të popullarizuar falë versionit filmik të "Twilight".