U konvertua në myslimane, vëllezërit e masakrojnë

Kajro, 24 prill – E kanë masakruar motrën e tyre pasi vite më parë ajo ishte konvertuar nga besimtare e sektit kopt (ortodoks në Egjipt ) në myslimane.
Në vitin 2005, Salua Adel vendosi të braktisë shtëpinë dhe besimin e saj për hir të një dashurie të lindur me një të ri mysliman në Kajro. Por, disa vite më vonë, tre vëllezërit e 28 vjeçares arritën të lokalizojnë banesën e saj, të futen brenda e më pas edhe të masakrojnë me thika motrën e tyre dhe djalin e saj 5 vjeçar, i cili ishte fryt i martesës me të riun mysliman.
Krimi i tmerrshëm është pranuar nga vetë autorët, të cilët para gjykatës në Kajro janë shprehur se e kanë vrarë motrën e tyre për ta “pastruar gjakun e familjes”.
Ky akt ka ndezur protesta të salafinjve, të cilët janë tubuar para gjykatës duke kërkuar dënimin me vdekje të tre vëllezërve, transmeton TCH.