Besimtarë myslimanë protestojnë në Prishtinë

Ka përfunduar e qetë dhe pa asnjë incident protesta për shaminë në qendër të Prishtinës, përderisa ajo nuk ka zgjatur më shumë se 15 minuta.

Ramiqi në fjalimin e tij më shumë ka përmendur një manifest të Lëvizjes Bashkohu sesa ka folur për shaminë dhe të drejtat vajzave që ta mbartin atë në shkolla fillore dhe të mesme, raporton Express.

“Nuk jemi këtu për të tjerët qe na quajtën talebanë, jemi këtu për të drejtën që po ju privohet motrave tona. Ata po i ofendojnë nënat e heronjve tonë”, citohet të ketë thënë ai.

Ai citoi edhe një fjalë të urtë: “Luftën e bëjnë luanët e paqen e udhëheqin hienat”.

Ramiqi tha para të gjithëve se ai ka qenë një luftëtar, kurse personat që po e udhëheqin shtetin e kërcënojnë demokracinë në Kosovë.

Ai para protestuesve ka shpërnda manifestin e Lëvizjes Bashkohu ku edhe tregohen pikat për të cilat lufton kjo Lëvizje.

Ramiqi ka thënë se kjo është hera e fundit që protesta mbahet në Prishtinë pasi ajo do të mbahet edhe në qytetet e tjera të Kosovë. Për Ramiqit shamia është një çështje që i preokupon të gjithë qytetarët e Kosovës. /Telegrafi/