Vukçeviç paralajmëron akuza të reja për krimet në Kosovë

Beograd, 16 nëntor - Kryeprokurori i Serbisë për krime lufte, Vladimir Vukçeviç, siç raportojnë mediat e Beogradit, do të ngrejë akuza të reja për krime lufte të kryera në Bosnjë, Kroaci e Kosovë. Por ai nuk e ka bërë të qartë nëse bëhrty fjalë për krimet serbe në këto vende, apo për krimet e të tjerëve ndaj serbëve. Këtë njoftim ai e bëri pas vizitës së kryeprokurorit të Gjykatës Ndërkombëtare për ish-Jugosllavinë në Hagë, Serzh Bramerz, i cili ka akuzuar Beogradin se dy të akuzuarit e Hagës – Goran Hxhiq dhe Ratko Mladiq mbesin të lirë pë shkak të mbështetjes nga Serbia. Megjithatë Vukçeviq ka pohuar se pret që raporti i Serzh Bramerzit do të jetë pozitiv për Serbinë.

Bramerz, kryeprokuror i Gjykatës Ndërkombëtare për ish-Jugosllavinë, vizitoi dje Serbinë si pjesë e procesit për hartimin e raportit të rregullt për bashkëpunimin e Serbisë me drejtësinë ndërkombëtare. Serbia ende nuk ka arrestuar dy të kërkuarit kryesorë të Gjykatës së Hagës, Ratko Mlladiçin dhe Goran Haxhiqin, përkatësisht udhëheqësit e serbëve në Bosnje e Kroaci gjatë luftës së viteve të '90-ta.

Vukçeviç tha se me Bramerzin diskutuan dhe rastin e Ramush Haradinajt, rasti i të cilit është rikthyer për rigjykim në Gjykatën e Hagës.

Kryeprokurori serb tha se së shpejti institucioni që ai drejton do të ngrejë akuza për krime lufte të kryera në Bosnjë, Kroaci e Kosovë.