Qeveria e re franceze do të qëndrojë deri në zgjedhjet presidenciale

Paris, 17 nëntor - Presidenti francez, Nicolas Sarkozy, deklaroi se qeveria e re, të cilën e ka emëruar para dy ditësh, do të qëndrojë në pushtet deri tek zgjedhjet presidenciale të parapara për vitin 2012. Në intervistën dhënë televizioneve franceze, Sarkozy, tha se përsëri e kishte riemëruar kryeministër Francois Fillonin, ngase konsideron se është kryeministri i cili i duhet Francës. Sarkozy pranoi se debati për identitet kombëtar që ishte organizuar kah fundi i vitit 2009 dhe në fillim të vitit 2010 shkaktoi keqkuptime dhe deklarata raciste të disa individëve. Sarkozy tha se do ta shfrytëzojë mandatin e Francës si kryesuese e G20-ës për të formuar sistem të ri monetar për t’iu dhënë fund trazirave në tregun botëror. Sarkozy kishte deklaruar qysh në qershor se do të ketë përbërje të re qeveritare pas miratimit të ligjit për reformën pensionale.