Hendbollistet serbe frikësohen të luajnë me Kastriotin

Beograd, 18 nëntor - Hendbollistet e klubit serb, Knjaz Millosh, janë duke u frikësuar që të luajnë me skuadrën kosovare Kastrioti. Kështu të paktën kanë shkruar të mërkurën mediumet serbe. Kastrioti dhe Knjaz Milloshi do të takohen të shtunën dhe të dielën në Shkup, në kuadër të rrethit të tretë të Kupës së Fituesve të Kupave. "Nuk është e lehtë. Po frikësohemi. Nuk është njëjtë për ne, atje jetojnë numër i madh i shqiptarëve. Megjithatë, besoj në organizim, siguri dhe policinë që do të na ruajë atje", ka thënë hendbollistja Sanja Rajoviq. Ajo është reprezentuese e Serbisë. "Nuk dimë asgjë për Kastriotin. Megjithatë, garantoj që jemi larg skuadër më kualitative". Klubi serb ka kërkuar që ndeshjet me Kastriotin të luheshin pa tifozë, por kjo kërkesë nuk është miratuar nga EHF-ja. Në të vërtetë, Knjaz Milloshi ka propozuar që ndeshjet me Kastriotin t'i luante në Segedin të Hungarisë, por EHF-ja ka aprovuar propozimin e klubit ferizajas që takimet të luhen në Shkup.