Krasniqi uron shtetin e Monakos

Ushtruesi i detyrës së presidentit të Republikës së Kosovës, Jakup Krasniqi uroi Princin e Monakos, Alberti II, me rastin e Ditës kombëtare të Monakos.
Duke uruar për këtë ditë të madhe për popullin e Monakos, Krasniqi çmoi lart faktin se Monako është ndër vendet e para që e ka pranuar Kosovën si shtet dhe i ka ndihmuar të formësohet dhe të njihet si shtet sovran dhe i pavarur.

“Lartmadhëria e Juaj, me këtë rast dua ta shpreh bindjen time se niveli i marrëdhënieve të shkëlqyera midis Kosovës dhe Monakos do të pasurohet dhe do të forcohet më tutje, në të mirë të vendeve dhe popujve tanë”, thuhet në urimin e Krasniqit, dërguar princit të Monakos.