Nokia OviStore arrin në tre milionë shkarkime në ditë

Nokia ka njoftuar për kapërcimin e një shifre të re për dyqanin e saj virtual të aplikacioneve - Ovi Store.
Sipas një njoftimi të kësaj kompanie, thuhet se Ovi Store tashmë arrin deri në tre milionë shkarkime të aplikacioneve në ditë, dhe e njëjta ka më shumë se 165 milion përdorues, në 190 shtete të ndryshme të botës.

Nokia ka njoftuar gjithashtu se disa nga zhvilluesit e Ovi Store, më saktësisht 92 prej tyre kanë arritur në 1 milion shkarkime për aplikacionet e tyre, dhe mesatarisht çdo përdorues i regjistruar bën 2,6 shkarkime të aplikacioneve në dyqanin virtual të kësaj kompanie.

Mirëpo, me gjithë këto rekorde, Nokia ka një rrugë të gjatë për të bërë nëse dëshiron të arrijë shifrat e AppStore të Apple apo ato të Android Market.