Itali: Kredibiliteti i Papës bie në 46,6 për qind

Sipas një sondazhi të publikuar në të përditshmen “Republika”, kredibiliteti i Kishës katolike dhe Papës, ka rënë në shtatë vitet e fundit, tendencë kjo, e theksuar me skandalet e fundit të pedofilisë tek priftërinjtë.



"Kredibiliteti i Kishës tek Italianët ra nga 62,7 për qind në vitin 2003 në 47,2 për qind në prill të vitit 2010, ndërsa popullariteti i Papës ka rënë nga 77,2 për qind në 46,6 për qind në të njëjtën periudhë”, njofton “Republika”. "Gjatë vitit të tmerrshëm për Vatikanin, besimi tek Papa ka rënë në minimumin e tij", ishte titulli i të përditshmes.

"Duke përmendur një varg të gjatë skandalesh 12 muajt e fundit që arritën kulmin me abuzimet seksuale kundër të miturve ku u përfshinë fetarë", sociologu i njohur Ilvo Diamanti i cili analizon sondazhin për të përditshmen "Repubblica", thekson se "rënia e kredibilitetit gjatë vitit të kaluar nuk e habit".

Në bazë të sondazhit të realizuar nga instituti Demos me 2 058 persona, del që shumica e italianëve janë dakord me dhënien fund të beqarisë së priftërinjve, pasi 65,9 për qind shprehen "shumë në favor" të kësaj hipoteze, vazhdoi i njëjti burim.