Votuan 26,76 për qind e mitrovicasve

Janë mbyllur të gjitha vendvotimet në orën 19:00 në zgjedhjet e ripërsëritura të 12 dhjetorit në komunën e Mitrovicës, ndërsa nuk është shënuar asnjë incident.

Në bazë të dhënave preliminare të Komisionit Qendror të Zgjedhjeve (KQZ), masiviteti i votuesve ka qenë më i ulët se sa në zgjedhjet e anuluara. Gjithsej kanë votuar 23 238 votues, apo 26,76 për qind, që krahasuar me zgjedhjet e 12 dhjetori është rënie prej 11 për qind.

KQZ-ja ende nuk ka informata zyrtare nga Komisioni Komunal Zgjedhor (KKZ) për rrjedhën e procesit zgjedhor, por në përgjithësi vlerësohet se rivotimi ka qenë i suksesshëm dhe pa incidente, duke pasur parasysh pjesën veriore të Mitrovicës, ku janë bojkotuar zgjedhjet.

Kryetarja e KQZ-së, Valdete Daka ka thënë se në pjesën veriore të Mitrovicës kanë votuar vetëm nëntë persona, ndërsa ajo paralajmëroi se rezultatet e para preliminare do të jepen të hënën në orën 10:00.

Ndërkohë, gjatë ditës Vetëvendosje, LDK dhe rrjeti i organizatave joqeveritare Demokracisë në Veprim kanë evidentuar edhe disa parregullsi të tjera gjatë votimit, si asistime të më shumë se një votuesi, votime të dyfishta, prani e personave të paautorizuar që kanë hyrë në qendër duke bëtë propagandë për një parti politike, si dhe votime familjare