Deri në orën 15:30 votuan 19.89 %

Vazhdon të jetë masiviteti i ulët i rivotimit në Mitrovicë. Komisioni Qendror i Zgjedhjeve (KQZ), në një konferencë për media, bëri të ditur se deri në orën 15:30 në komunën e Mitrovicës kanë votuar 17. 267 qytetarë me të drejtë vote, apo 19.89 për qind nga mbi 80 mijë votuesit potencialë.

Krahasuar me zgjedhje e anuluara më 12 dhjetor masiviteti është shumë i ulët. Në ato zgjedhjet deri në orën 15:30 patën votuar në Mitrovicë 22. 705 ose 26.25 për qind.

Kryetarja e KQZ-së, Valdete Daka tha se rivotimi po rrjedh pa ndonjë parregullsi të madhe, edhe pse Vetëvendosje dhe LDK vazhdojnë të ankohen për disa parregullsi. Daka nuk ishte në gjendje të përgjigjet në pyetjen e medieve pse nuk po lihen të regjistrojnë mediat disa vendvotime në Mitrovicë.

Përsëritja e zgjedhjeve parlamentare në Mitrovicë bëhet pas evidentimit të parregullsive në raundin e parë më 12 dhjetor të vitit të kaluar