Clinton e Lavrov: Të miratohet START-i i ri

Ministri i Jashtëm i Rusisë, Sergei Lavrov dhe homologia e tij amerikane, Hilary Clinton, u kanë bërë thirrje dy vendeve të tyre që të shpejtojnë miratimin e marrëveshjes së re START. Marrëveshja parasheh zvogëlimin e armatimit bërthamor.



Clinton dhe Lavrov gjatë një bisede telefonike shprehën dëshirën për përshpejtimin e procesit të miratimit të marrëveshjes “sa më shpejt që të jetë e mundur”.

Presidentët Barack Obama dhe Dimitry Medvedev e nënshkruan marrëveshjen në muajin prill në Pragë, por hyrja në fuqi e START-it të ri kërkon miratimin e marrëveshjes nga Senati amerikan dhe Dhoma e Ulët e parlamentit rus. /rel/