Kosova, temë e bisedimeve të Lavrov në Serbi

Shefi i diplomacisë ruse, Sergei Lavrov, të martën do të vizitojë Beogradin, ku do të takohet me presidentin serb Boris Tadic dhe homologun Vuk Jeremic.
Siç njoftoi ministria e Jashtme në Moskë, një nga temat e bisedimeve do të jetë edhe çështja e Kosovës, në të cilën autoritetet serbe kanë përkrahjen e pakushtëzuar dhe parimore të Moskës.

Me vizitën në Beograd, Lavrov e fillon turneun treditor në Ballkan, me ç’rast do të vizitojë edhe Malin e Zi, Maqedoninë dhe Slloveninë. /Telegrafi/