Serbi: BE të mos jetë më temë

Ngarkesa me Bashkimin Evropian duhet të dal në plan të dytë pas kushtit “shantazhues” të cilin Serbisë ia ka paraqitur kancelarja gjermane Angela Merkel – shmangies nga Kosova, shkruajnë mediat serbe.

Analisti serb Dorde Vukadinovic ka thënë se tema e BE-së duhet të dal në plan të dytë.

“Serbia duhet t’i kthehet vetes e jo të kërkoj shpëtim në BE”, ka thënë ai për “Press”, për të shtuar se pas kushteve të kancelares gjermane, “BE nuk është më karotë po fatamorganë”.

“Është çudi se si pas ardhjes së Merkel, eurofanatikët nisën të dalin me tone euroskeptike, ndërsa opozita që ka sulmuar rrugën evropiane, tash del euroentuziaste”.

Analisti Milan Nikolic për “Alo” thotë se Serbia duhet të lobojë te shtetet mike evropiane.

“Kur është fjala te Gjermania, e dimë se e ka ndikimin më të madh në Unionopn, por e dimë se janë disa shtete që na anojnë kah ne. Këtë duhet ta përdorim me diplomaci të mençur”.

Politologu Predrag Simić thotë për “Press” se BE mbetet motiv për reforma, por se “duhet të mos ketë më eurofori”.

“Është pyetje prej ‘një milion dollarësh’ se si Serbia t’i vazhdojë integrimet evropiane, të fitoj statusin e kandidatit e të mos heq dorë nga Kosova”, ka thënë ai. /Telegrafi/