Dorëzohen protestuesit tajlandezë

Udhëheqësit e protestave antiqeveritare në Tajlandë, që kishin bllokuar prej javësh qendrën e Bangkokut, u janë dorëzuar autoriteteve pas disa orësh shkëmbim zjarri me trupat e ushtrisë.



Në përleshjet më të fundit u vranë pesë persona, dhe drejtuesit e protestës thanë se nuk donin të kishte më shumë gjakderdhje.

Duke iu drejtuar përkrahësve këmishëkuq, para se të dorëzoheshin, udhëheqësit iu kërkuan protestuesve të mos tërhiqen nga lufta për ndryshime politike.

Pak më herët një zëdhënës i qeverisë tha se trupat kishin marrë nën kontroll një zonë në jug të pjesës së qytetit të mbajtur nga protestuesit, disa prej të cilëve ishin larguar. /bbc/