Policia qëllon protestuesit në Jemen, 30 të vdekur

Sanaa, 14 mars - Të paktën 30 njerëz janë plagosur kur policia hapi zjarr ndaj protestuesve në Jemenin lindor.
Protestuesit në qytetin Marib u qëlluan teksa po shkonin drejt selisë së guvernatorit për të kërkuar largimin e presidentit Ali Abdullah Saleh pas 32 vjet pushteti.
Policia po ashtu përdori municion të vërtetë ndaj protestuesve në provincën veriperëndimore Xhauf, transmeton REL.
Sot në kryeqytetin Sana, ushtarët me autoblinda u përpoqën ta rrethojnë zonën afër universitetit ku disa javë janë vendosur mijëra protestues.
Ndërkohë në aeroportin në Sana, autoritetet kanë ndaluar katër gazetarë, dy britanikë dhe dy amerikanë.