80 milionë për Opera Mini

Opera Mini vazhdon të rritet dhe s’ka të ndalur. Është njoftuar se gjatë nëntorit këtë shfletues mobil e kanë shfrytëzuar 80 milionë njerëz.

Sipas të dhënave të Operas, shfletuesi i tyre mobil gjatë nëntorit është shfrytëzuar nga 80 milionë njerëz. Krahasuar me një muaj më parë, kjo shifër paraqet rritje për 3.7 milionë.

Shfrytëzuesit e Opera Minit në nëntor kanë hapur gjithsej 44.6 miliardë faqe, e qarkullimi i përgjithshëm i internetit i shpenzuar në to është 677 milionë megabajt që krahasuar me muajin e njëjtë të vitit kaluar paraqet rritje prej 137.6 për qind.

Nëntë prej dhjetë modeleve më të popullarizuara në të cilët shfrytëzohet Opera Mini janë prodhuar nga Nokia. Në vendin e pestë është futur edhe iPhone.