Milani do ta mbajë Cassanon nën kontroll

Massimo Oddo thotë se Antonio Cassanos nuk do t’i jepen raste të tregohet ‘i pagdhendur’ te Milani, pasi që Rossonerët do ta mbajnë nën kontroll.

Sulmuesi italian ka udhëtuar me skuadrën e Milanit në Dubai, ndërsa kalimi i tij në San Siro shihet me skepticizëm. Mirëpo, Oddo mendon se kodi etik i Milanit do ta parandalojë lojtarin që të mos dalë nga binarët.

"Cassano? Ne presim shumë nga ai. Ai është një vlerë shtesë dhe ne shpresojmë të vazhdojmë së bashku këtë rrugë”.

“Milani është një ambient i favorshëm dhe aty ka respekt nga të gjithë. Ne kemi një grup të mirë, prandaj mund ta mbajmë Cassanon në krah”, ka thënë mbrojtësi i Milanit.