Peshkopi Teodosije serb i bindur se Serbia do ta mbajë Kosovën

Peshkopi serb Rashkë-Prizren Teodosije idenë për ndarjen e Kosovës e ka
cilësuar të keqe, sepse, sipas tij, çdo ndarje mund të çojë në
përshkallëzimin e dhunës. Ai ka shprehur bindjen se populli (serb) në
Kosovë do të mbijetojë.
"Me të vërtetë kam shpresën se edhe shteti
ynë (Serbia), kjo edhe me kushtetutë i obligon, do ta ruajë Kosovën dhe
se nuk do të bëjnë asgjë që është në dëm të këtij populli", ka thënë
Teodosije, transmeton QIK-u njoftimin nga mediat serbe.
Gjatë një
ceremonie fetare në manastirin e Deçanit, kleriku i lartë serb
gjithashtu ka thënë se KF0R-i është i pranishëm në Patrikanën e Pejës,
në Deçan dhe në manastirin e Deviçit dhe se kjo është e rëndësishme për
vetë sigurinë.