Elvis Osmani, sportist i vitit në Mitrovicë

Futbollisti Elvis Osmani është zgjedhur sportisti më i mirë i vitit 2010 në Mitrovicë. Osmani gjatë këtij viti udhëhoqi Trepçën drejt titullit të kampionit të Kosovës dhe trofeut të Superkupës. KF Trepça është vlerësuar skuadra më e mirë e vitit 2010. Kryetari i këtij klubi, Nexhmedin Haxhiu është shpallur punëtori sportiv i vitit. Trajneri më i mirë i vitit është shpallur ai i klubit të xhudos Trepça, Remzi Begu. Në dhjetëshen e sportistëve më të mirë të vitit për herë të parë ka zënë vend edhe një basketbollist i klubit të basketbollit Bambi. Jugosllav Dashiq është radhitur i treti.